Pyetjet tuaja
më të shpeshta

Akreditimi është procesi zyrtar i vlerësimit të cilësisë, përmes të cilit AKAFPK konfirmon se një ofrues i Arsimit dhe Formimit Profesional (AFP) përmbush standardet ligjore për të ofruar kualifikime të njohura, të Niveleve 2-5, sipas KSHK-së.

Mund të aplikojnë të gjithë ofruesit publikë dhe jopublikë që ofrojnë programe, të cilat çojnë në kualifikime profesionale, të plota dhe/ose të pjesshme, drejt niveleve 2–5 të KSHK-së, përfshirë validimin e të nxënit joformal dhe informal dhe kualifikimet e të nxënit gjatë gjithë jetës.

Procesi kalon në këto faza:

Vetëvlerësimi: Ofruesi përgatit raportin e brendshëm të sigurimit të cilësisë mbi përmbushjen e standardeve.

Aplikimi: Dorëzimi i dokumentacionit pranë AKAFPK-së.

Vlerësimi i Jashtëm: Vizita në terren nga grupi i vlerësuesve të jashtëm të akreditimit.

Vendimmarrja: Ministri përgjegjës nxjerr vendimin bazuar në raportin e akreditimit dhe AKAFPK lëshon certifikatën e akreditimit me kualifikimet profesionale përkatëse.

Në bazë të Urdhrit nr. 845, datë 3.7.2025 të MEKI-t, periudha e akreditimit fillon me datën e daljes së vendimit të Ministrit pergjegjës për AFP-në dhe ka vlefshmëri 4 vjet.

Ofruesi së bashku me kërkesën për akreditim duhet të dorëzojë një set prej 18 dokumentash shoqëruese. Dorëzimi i kërkesës për aplikim dhe i dokumentave shoqëruese bëhet me postë të thjeshtë, ose nëpërmjet postës elektronike. Për tu informuar mbi formatin e kërkesës dhe dokumentat shoqëruese konsultohuni me Urdhrin nr. 845, datë 3.7.2025 të Ministrisë së Ekonomisë, Kulturës dhe Inovacionit, linku: https://qbz.gov.al/share/UuNSRWbiSpSH8ZFX_TctXw

Nëse jeni një institucion publik ose jopublik i AFP-së dhe aplikoni për akreditim brenda 6 muajve nga:

-data e hapjes/riogranizimit/ lincencimit të institucionit

-nga data e miratimit për përfshirjen e kualifikimit të të nxënit gjatë gjithë jetës në nivelet 2-5 të KSHK-së,

atëhere ju jeni një ofruesi i ri i AFP-së.

Po. AKAFPK kryen procesin e monitorimit i cili lidhet me sigurimin e ruajtjes së nivelit të cilësisë së kërkuar në institucionet e akredituara gjatë periudhës së vlefshmërisë.

Në faqen zyrtare të AKAFPK-së publikohet Regjistri Kombëtar i Institucioneve të Akredituara. Ju mund të kërkoni emrin e institucionit specifik në këtë listë. Linku: https://www.akafp.gov.al/institucione-te-akredituara/

Nëse një ofrues nuk akreditohet, ai merr një listë me rekomandime dhe një afat kohor për përmirësim. Nëse sërish nuk përmbushen standardet e akreditimit, institucioni mund të humbasë të drejtën për të lëshuar certifikata profesionale referuar niveleve të KSHK-së.

Hapat për nisjen e procesit të akreditimit përfshijnë procesin e vetëvlerësimit. Vetëvlerësimi është një proces i brendshëm i sigurimit të cilësisë, i cili kryhet nga vetë ofruesi i AFP-së, nën përgjegjësinë e tij, për të vlerësuar performancën e institucionit në përputhje me udhëzimin e posaçëm të ministrit përgjegjës për AFP-në. Vetëvlerësimi konsiderohet si instrumenti kryesor për përmirësimin e cilësisë, ku ofruesi i AFP-së mbledh evidencat e tij, për të gjykuar situatën ekzistuese, me qëllim që të bëhet më i përgjegjshëm dhe të vendosë për mënyrat më të mira për të përmirësuar ofertën e AFP-së dhe rezultatet e saj. Bazuar në rezultatet e vetëvlerësimit ofruesi gjykon për nisjen e procesit të akreditimit.

Do të thotë se dokumentet e certifikimit njihen zyrtarisht brenda dhe jashtë vendit. Akreditimi garanton që kualifikimi profesional të cilin po ndjek përmbush standardet e cilësisë dhe kërkesat e tregut të punës.